http://www.123.is/jesukonur/blog/record/452411/ "Þú skalt vegsama Drottin Guð þinn fyrir landið góða, sem hann gaf þér." 5. Mós 8:10 Guð hefur svo sannarlega gefið okkur gott land að búa í. Þrátt fyrir að nú virðist allt vera á vonarvöl í kringum okkur getum við verið viss um að Guð sér fyrir okkur. Mig langar til að minna á að í mörg ár hafa kristnir einstaklingar beðið fyrir landinu, að Guð megi mæta þjóðinni og taka til í þeirri spillingu sem hefur átt sér stað hér, spillingu sem jafnvel engum datt í hug að væri eins mikil og nú lítur út fyrir að vera. Núna þurfum við virkilega að skipa okkur í skarðið og biðja fyrir landinu okkar á þessum krítísku tímum sem við erum vitni að. Það er búið að boða til kosninga í vor og ég þrái að sjá fólk í embættum sem vill vinna að þeim málefnum sem er landinu okkar til heilla. Í 1. Tim 2:2 stendur: "Biðjið fyrir konungum og öllum þeim sem hátt eru settir til þess að við fáum lifað friðsamlegu og rólegu lífi í guðsótta og siðprýði. " Við þurfum fólk í stöður og embætti sem vinnur heilshugar að því að þær auðlindir sem Guð hefur blessað landið okkar með verði nýttar vel, ekki í græðgi. Við þurfum embættismenn (og konur) sem þora að játa rétt siðgæði í bæði viðskiptum og líferni og sem þora að hafa skoðanir á réttu og röngu. Því vil ég hvetja ykkur til að biðja markvisst fyrir því starfi sem nú er verið að vinna og sérstaklega fyrir komandi kosningum. Við viljum að Guð fái að skipa fólk í embætti, í ríkisstjórn, framkvæmdavald, nefndir og stöður sem almenningur veit síst af en hafa gríðarlega mikið gildi landinu okkar til heilla. Í Rómverjabréfinu 13:1 stendur: "Hver maður hlýði þeim yfirvöldum sem eru yfir hann sett. Því engin væru yfirvöld ef Guð gæfi þau ekki. Þau sem eru til hefur Guð skipað." (Hvet þig til að lesa 13 kafla rómverjabréfsins) Biðjum markvisst næstu vikur og mánuði fyrir ráðamönnum og embættismönnum þessarar þjóðar. Biddu Guð að sýna þér hvað þú átt að kjósa þegar þar að kemur. Ekki skila auðu eða sleppa því að mæta á kjörstað. Flestir vilja sjá virkilegar breytingar en vita ekki almennilega hvaða breytingar það ættu að vera. Ég held að fáir séu tilbúnir til að vinna þá krítísku vinnu sem nú þarf að taka á í efnahagsmálunum og að taka til í kerfinu. Þeir sem munu vinna að þessum málum þurfa mikla visku og það besta sem við getum gert er að biðja. Biðja Guð um að velja það fólk sem er eftir hans hjarta og þá munum við sjá raunverulegar breytingar í landinu okkar. "Biðjið og yður mun gefast, leitið og þér munuð finna, knýið á og fyrir yður mun upp lokið verða. Því að hver sá öðlast sem biður, sá finnur sem leitar, og fyrir þeim sem á knýr mun upp lokið verða." Matt 7:7-8 Tökum stöðu okkar og knýjum á í bæn fyrir landinu okkar. Það er bæn sem er Guði að skapi. Treystum Guði fyrir því verki sem er framundan, jafnvel þó við skiljum ekki hvað sé að gerast og jafnvel þó okkur finnist að aðrir hefðu átt að skipa ákveðnar stöður. Guð lætur ekki að sér hæða. Þess vegna skulum við taka okkar hluta alvarlega og biðja markvisst að Guðs vilji mætti ná fram að ganga. Meðfylgjandi er boðskapur sem kom til Íslensku þjóðarinnar áramótin 1994-1995. Þið getið nálgast hann hér. Erdna Varðardóttir Thu, 06 May 2010 21:01:00 GMT http://www.123.is/jesukonur/blog/record/365964/ Hver kannast ekki við að hafa hugsað eða jafnvel talað um sjálfan sig á eftirfarandi hátt: "Ég get aldrei gert neitt rétt! Það eru allir miklu klárari og duglegri en ég! Allt sem ég geri gera aðrir betur!"Jú ég held að við flestar könnumst við að hafa hugsað svona um okkur einhvern tímann og jafnvel talað okkur niður. En allir hafa eitthvað gott fram að færa því við erum jú einu sinni skapaðar í Guðs mynd og það var hann sem gaf okkur hæfileika okkar.Ef við komum fram fyrir Guð með það sem við höfum í einlægni, getur hann gert eitthvað stórkostlegt úr því. Eins og þegar Jesús mettaði yfir 5000 manns með tveim brauðum og 5 fiskum. (sjá Matteus 14. kafla)María móðir Jesú var mjög ung. sennilega um 14-16 ára þegar hún var beðin um að taka að sér mikilvægt hlutverk. Hún fékk boð frá Guði um að fæða frelsara heimsins. (Sögu hennar má finna í fyrstu köflum allra guðslpjallanna) Í þessum heimshluta tíðkaðist að vera með fyrirframákveðið hjónaband þ.e. foreldrar brúðarinnar ákváðu hvaða mann dóttir þeirra átti að giftast. María var s.s trúlofuð manni sem hét Jósef. María hafði val um að segja já eða nei þegar engillinn kom með boðin til hennar. Ef maður skyggnist inn í veraldlegar kringumstæður hennar þá voru þær einhvern veginn á þessa leið:o Hún var trúlofuð manni sem hafði sennilega gert samning við foreldra hennar um að eiga hana.o Hún átti á hættu að missa allt ef hún segði já við verkefninuo Missa frá sér ástina sínao Framtíðina sem hún hafði séð fyrir séro Orðstýr sinn og Jósefs um að eiga barn utan hjónabandEn María ákvað að segja já því hún trúði og treysti Guði fyrir lífi sínu. Ákvörðun hennar hafði áhrif á allan heiminn og allt mannkyn enn í dag.María gerði það sem hún gat. Hún ákvað að ganga með barnið, fæða að og ala það upp og Guð sá um afganginn.Hvað er það sem þú getur gert? Hugsaðu vel um það hvaða eiginleika þú hefur og hvernig þú getur notað þá Guði til heiðurs. Ef Guð er með okkur hver er þá á móti okkur?En honum, sem í oss verkar með krafti sínum og megnar að gera langt fram yfir allt það sem vér biðjum eða skynjum, honum sé dýrð í kirkjunni og í Kristi Jesú með öllum kynslóðum um aldir alda. Amen. Efesus 3:20-21Þú getur...Haft áhrif á huga þinn!o Á það hvernig þú horfir á sjálfa þig eða á hvað þú horfiro Á það hvernig þú hugsar um sjálfa þig Þú getur...Haft áhrif á talsmáta þinn!o Hvernig þú talar um sjálfa þig eða aðrao Talarðu neikvætt eða niður til þín?Gerirðu lítið úr hæfileikum þínum þegar fólk hrósar þér? Þú getur...Haft áhrif á hjarta þitt!..Beðið fyrir þeim sem þurfa á því að halda!..Vitnað fyrir þeim sem Guð minnir þig á annað hvort með beinum vitisburði í orði eða með verkum þínum og framkomu!Þú getur...Verið fráls til að vera þú sjálf..Verið sú kona sem Guð hefur kallað þig til að vera (eiginkona, móðir, amma, frænka, vinkona, tengdadóttir o.s.frv.)....Þorað að standa með sjálfri þér og því sem þér finnst - þínum skoðunum!..Þrátt fyrir fortíð þína og þrátt fyrir að mistök þín virðast vera eins og himinhátt og óklífanlegt fjall!Þú getur.. vegna þess að Guð skapaði þig sem þig með alla þína kosti og galla!..vegna þess að Guð gaf þér hægileika og gjafir til að vegsama sig með!.vegna þess að Guðs orð segir að þú getir, með hjálp Heilags Anda!Hver er mælikvarðinn sem við berum okkur saman við?Er það allt sem við sjáum og heyrum í umhverfinu eða er mælikvarðinn okkar Jesús og Orð Guðs?Að lokum: Styrkist nú í Drottni og í krafti máttar hans. (Ef. 6:10) Fylltu þig af Orði hans sem er uppbyggilegt og þá muntu fljótlega komast að því að .. Þú getur!Megi Drottinn blessa þig og styrkja þig.Erdna Varðardóttir Fri, 10 Apr 2009 00:16:01 GMT http://www.123.is/jesukonur/blog/record/351016/ Í I. konungabók 8:61 segir: Hjörtu yðar séu heil og óskipt gagnvart Drottni, Guði vorum, svo að þér breytið eftir lögum hans og haldið boðorð hans.Þetta vers talaði til mín og er einmitt eitthvað sem ég held að sé mikilvægt að spyrja sig reglulega að: Er hjarta mitt heilt og óskipt gagnvart Guði? Lýsir líf mitt, hegðun, málfar og skoðanir reglum hans og boðorðum? Sú mælistika sem Biblían notar á stöðu okkar gagnvart Guði eru boð Drottins í gegnum t.d. Fjallræðuna í Matteusarguðspjalli, Spámennina og Boðorðin 10. Hvernig elskum við Drottinn? Jesús sagði Ef þér elskið mig munuð þér halda boðorð mín. (Jóh.14:15) Við skulum skoða nokkur dæmi: Fyrsta boðorðið sem nefnt er í 2. mósebók 20. kafla er Ég er Drottinn, Guð þinn, sem leiddi þig út af Egyptalandi, út úr þrælahúsinu. Þú skalt ekki hafa aðra guði en mig. Hefur þú leyft hjarta þínu að dýrka annað en hann? Skiptir það þig máli hvaða augum Guð lítur á þig eða er eitthvað annað sem vegur þyngra? Guðir þessarar aldar heita kannski ekki Baal eða Ra, en ef til dæmis græðgi (mammón - peningar), hroki, dramb, álit annarra, metnaður eða annað situr í hásæti hjarta þíns þá hefur þú dýrkað aðra guði.Ester drottning var fyrir kraftaverk í þeirri stöðu að geta bjargað þjóð sinni frá tortímingu. Hún hefði getað afneitað Guði, tekið til við að dýrka guði þeirrar þjóðar sem hún bjó hjá og þar með neitað að taka stöðu sína. En hún vissi að með því að vera heil frammi fyrir Drottni, leita hans og treysta á Hann þá væri hún í hans hendi, hvernig sem færi. Í Rómverjabréfinu 8:28 segir að Þeim, sem Guð elska, samverkar allt til góðs. Hún dýrkaði ekki aðra guði. Hún elskaði Guð og hann snéri aðstæðum henni í hag. Annað boðorðið segir Þú skalt ekki leggja nafn Drottins, Guðs þíns, við hégóma. Þetta atriði er orðið svo algengt okkar á meðal að það virðist vera smávægilegt og frekar saklaust að segja "Guð" og "Jesús minn" við hverja upphrópun. En einhver er ástæðan fyrir því að Guð hafði þetta atriði sem eitt af þessum aðal 10! Að nota nafn Drottins sem túlkun á hneykslan, viðbjóði eða öðru er brot á boðorði Guðs. Ekki vanvirða nafn hans sem elskar þig mest af öllu!5. boðorðið segir Þú skalt ekki morð fremja. Jesús segir í matteusi 5:21-22 [...] Þú skalt ekki morð fremja. Sá sem morð fremur skal svara til saka fyrir dómi. En ég segi yður: Hver sem reiðist bróður sínum skal svara til saka fyrir dómi. Sá sem hrakyrðir bróður sinn skal svara til saka fyrir ráðinu og hver sem svívirðir hann hefur unnið til eldsvítis. Hér flokkast reiði, bræði og baktal sem brot á boðorði Guðs. Jesús segir okkur að vera skjót til sátta við andstæðing okkar. 9. og 10 boðorðið fjalla um Þú skalt ekki girnast....hús, eiginkonu/eiginmann, þræl, ambátt, uxa, asna...hús, vinnu, bíl, fellihýsi, jeppa, utanlandsferðir...og hvað sem þér dettur í hug sem vekur hjá þér girnd í hluti náunga þíns.Afbrýðisemi og öfund heltekur huga og hjarta! Það gefur færi á biturleika. Í 1. Samúelsbók segir frá Sál konungi. Í 18. kafla segir frá því að Sál öfundaðist út í Davíð því konurnar sungu um að Sál hafði drepið sín þúsund en Davíð sín 10 þúsund. Sál var valinn fyrsti konungur gyðinga en hjarta Sáls var ekki heilt gagnvart Guði. Þegar hann fór ekki eftir boði Guðs um að deyða alla Amalekíta og búfénað þeirra, þá hafnaði Guð Sál. Það sem eftirlifði af Amelekítum og eigum þeirra er hægt að sjá sem táknmynd upp á synd í okkar lífi. Synd sem við losum okkur ekki við, viljum kannski halda hluta af þessu eða smá af hinu. Með því leyfum við synd að fylla hluta, ef ekki allt, hjarta okkar. Í Malakí 3:8-10 Segir Dottinn: Á maðurinn að pretta Guð, úr því að þér prettið mig? Þér spyrjið: "Í hverju höfum vér prettað þig?" Í tíund og fórnargjöfum.Mikil bölvun hvílir yfir yður, af því að þér prettið mig, öll þjóðin. Færið alla tíundina í forðabúrið til þess að fæðsla sé til í húsi mínu, og reynið mig einu sinni á þennan hátt segir Drottinn allsherjar, hvort ég lýk ekki upp fyrir yður flóðgáttum himinsins og úthelli yfir yður yfirgnæfanlegri blessun. Ananías og Saffíra (postulasagan 5) lugu til um peninga, Satan fyllti hjarta þeirra svo að þau lugu að heilögum anda. Af hverju er hjarta þitt fullt þegar kemur að peningum, tíund og fórn? Heldur þú frá Guði því sem hann á með réttu?Guð setur kröfu á okkur að vera heilshugar, óskiptar, fráteknar fyrir Hann. Við erum dýru verði keyptar! Við ætlumst til þess að ef við kaupum okkur bíl að vélin sé til staðar - að hann sé ekki bara útlitið og búið. Eða að einbýlishúsið sem við byggðum og lögðum allt okkar í, að það skorti ekki rafmagn og hita. Við ætlumst til þess að það sé íbúðarhæft! Guð vill ekki bara bíða og sjá hvort við ætlum að gefa honum eitthvað af lífi okkar. Hann biðst ekki afsökunar á trufluninni og kveður ef við streitumst á móti því þegar hann vill eiga við okkur og móta okkur! Í Jakobsbréfinu 4:5 segir: Hann þráir andann í okkur með afbrýði. Hann þráir að við séum íbúðarhæfar fyrir anda sinn! Er eitthvað óeðlilegt að hann ætlist til þess að hjarta okkar sé frátekið fyrir hann? Nei!Ef þú finnur og sérð af þessum örfáu dæmum að hjarta þitt er ekki heilt fyrir Guð, þá er náð í dag. Hún er ný á hverjum morgni segir í Harmljóðunum 3:23. Í jesaja 59:1 segir að hönd Guðs er ekki svo stutt að hann geti ekki hjálpað og eyra hans ekki svo þykkt að hann heyri ekki. Hann er trúr og sannur og fyrirgefur okkur þegar við komum fram fyrir hann og iðrumst. Óvinurinn og ákærandinn, vill ekki að við sjáum andlegt ástand okkar, og þegar við sjáum það reynir hann eftir fremsta megni að halda okkur á sama stað með fordæmingu, sjálfsvorkunn og stöðugri upprifjun á fortíðinni. Drottinn segir í Jesaja 43:18-19 Rennið eigi auga til hins umliðna og gefið eigi gætur að því er áður var. Sjá nú hef ég nýtt fyrir stafni!... María Magdalena hefði getað lifað í skugga fortíðarinnar, af ótta við það sem áður var eða menn sem gátu minnt hana á það liðna. En hún þekkti mátt Guðs, hélt sér við hann - var heil í honum. Og hún fékk að bera kveðjuna "Ég hef séð Drottinn!" jóh 20:18 Við þurfum að seilast eftir því sem framundan er. Hvað hefur Guð fyrir þig á þessu ári? Hvað hefur þú fyrir Guð? Tíminn er kominn til að þú takir stöðu þína í líkama Krists. Það getur enginn tekið ábyrgð á andlegu ástandi þínu nema þú sjálf. Hver og ein okkar þarf að heiðra það loforð sem við gáfum í upphafi þegar við gáfum Jesú hjarta okkar - heilt og óskipt!Kærleikskveðja, Anna Sigríður Snorradóttir Tue, 17 Feb 2009 20:35:40 GMT http://www.123.is/jesukonur/blog/record/342107/ Frá upphafi sköpunarinnar hafði Guð áætlun um samfélag sitt við manninn. Hann skapaði manninn í sinni mynd þ.e. með þá eiginleika sem Guð hefur. Hann gerði manninn æðri annari sköpun með því að gefa honum frjálsan vilja til að velja og hafna, hafa skoðanir og tilfinningar eins og að elska og finna til. Við erum sköpuð með þann eiginleika að eiga samfélag við Guð en því miður þá fór ekki allt nákvæmlega á þá leið sem Guð hafði áætlað í upphafi. Vegna þess að maðurinn hafði frjálsan vilja valdi hann að óhlíðnast Guði og þar með kom syndin inn í heiminn, með öðrum orðum það varð uppreisn gegn Guði og því sem hann hafði sagt. (sjá 1. Mósebók 1-3 kafla) En hvers vegna hatar Guð syndina svona mikið?Jú syndin er það sem aðskilur okkur frá Guði. Synd eyðileggur okkur. Hún drepur og eyðir því sem Guð elskar og setur það í þrældóm sem Guð hafði ætlað að væri frjálst.Guð getur ekki verið nálægt synd. Hvers vegna ekki? Jú vegna þess að Guð er algerlega heilagur og fullkominn og umber ekki neitt óhreint. Ef hann myndi geta umborið eitthvað óhreint þá væri hann að brjóta sína eigin grundvallarreglu og þá væri hann ekki fullkomlega heilagur. Guð getur aldrei sagt "Ég horfi bara fram hjá þessu, þetta er nú svo lítið".Við tökum hins vegar syndina oft á tíðum léttvægt og ætlumst til þess að Guð fyrirgefi okkur bara aftur og aftur. Við hugsum sem svo "Þetta skiptir engu. Guð fyrirgefur mér - hann er svo náðarríkur" Með þessu móti erum við sífellt að daðra við syndina sem er versti óvinur Guðs. Að sjálfsögðu fyrirgefur Guð en við eigum ekki að syndga upp á náðina. (sjá Róm. 6:1)En þrátt fyrir að aðskilnaður við Guð kom inn með syndafallinu þá þráði Guð samt að eiga samfélag við sitt fólk. Hann gerði ýmsa sáttmála við manninn t.d. við Abraham (sjá 1. Mós. 15-17 kafli), sáttmálann við Móse á Sínaífjalli (sjá 2. Mós. 19-20 kafli), hann bjó meira að segja í musterinu eftir að það var byggt alveg þar til hann þurfti að yfirgefa það vegna vonsku og synda mannanna. Þrátt fyrir allt alls kyns lög og reglur tókst mannkyninu ekki að standa við sinn hluta sáttmálans. Vegna þess að við erum fædd undir syndugu eðli getum við ekki réttlætt okkur sjálf. Við getum ekki í okkar eigin mætti verið jafn heilög og Guð því það er okkur eðlilegt að gera mistök og velja ranga hluti. Þess vegna kom Guð til jarðarinnar sem Jesús Kristur og varð maður. (sjá Jóh.1:16-18). Jesús var reiðubúinn að taka á sig þína og mína synd með því að negla hana á krossinn. Vegna þess að Jesús var syndlaus gat hann sigrað dauðann og reis upp aftur á þriðja degi og situr nú við hlið Guðs á himnum. (Hebreabréfið 12:2)Kristur Jesús er sá sem dáinn er. Og meira en það: Hann er upprisinn, hann er við hægri hönd Guðs og hann biður fyrir okkur. Hver mun gera okkur viðskila við kærleika Krists? Róm 8:34-35Í gegnum Jesú Krist eigum við aðgang að Guði því Jesús brúaði það bil sem kom milli Guðs og manna með syndafallinu í upphafi. (1.Jóhannesarbréf 1:1-2)Við vitum að okkar gamli maður dó með honum á krossi til þess að líkami syndarinnar yrði að engu og við værum aldrei framar þrælar syndarinnar. Róm 6:6Við verðum að átta okkur á því að Jesús hafði ekki tilunnið sér þá refsingu að deyja kvalarfullum dauðdaga á krossi. Dauðinn voru örlög okkar en ekki hans. Jesús valdi að deyja fyrir okkur vegna þess að hann elskaði okkur og þráði að eiga samfélag við okkur eins og í upphafi var áætlað. Þess vegna getur hann búið ynnra með okkur fyrir heilagan anda þegar við meðtökum frelsisverk hans. Hann getur varla verið nær okkur en það - er það?Við verðum að gera okkur grein fyrir því að Guð elskar okkur. Það er alveg sama hvað við höfum gert eða ekki gert Guð elskar okkur samt en hann hatar hins vegar syndina.Jesús sagði: "Ég er vegurinn, sannleikurinn og lífið. Enginn kemur til föðurins nema fyrir mig." Jóh. 14:6Við vitum að okkar gamli maður dó með honum á krossi til þess að líkami syndarinnar yrði að engu og við værum aldrei framar þrælar syndarinnar. Róm 6:6Allir hafa syndgað og skortir Guðs dýrð, og þeir réttlætast án verðskuldunar af náð hans fyrir endurlausnina, sem er í Kristi Jesú. Róm 3:23-24Það að við eigum aðgang að Guði er bara fyrir náð. Við þurfum að gera okkur grein fyrir því að við munum aldrei nokkurn tímann geta greitt fyrir það sem Jesús gerði, hvorki með góðu líferni, stórum gjöfum í góðgerðarmál eða með nokkru öðru vinnuframlagi. Það eina sem hægt er að gera er að taka við þeirri gjöf sem Guð gaf okkur, þ.e. frelsisverk Jesú Krist. Jesús gerði það fyrir mig og þig til að við gætum átt greiðan aðgang að Guði. Við erum sköpuð með æðri tilgangi en að vinna, sofa og borða. Við erum sköpuð til að eiga samfélag við lifandi Guð sem skapaði himinn og jörð.Drottinn blessi þig. Thu, 22 Jan 2009 10:08:42 GMT http://www.123.is/jesukonur/blog/record/332293/ Nú þegar jólaundirbúningurinn stendur sem hæst er auðvelt fyrir okkur konur að gleyma okkur í öllu sem þarf að gera fyrir jólin. Baka, þrífa, skreyta, pakka inn gjöfum, versla í matinn og undirbúa fjölskylduboðið svo eitthvað sé nefnt. En þrátt að í mörg horn sé að líta þá langar mig að hvetja þig til að gefa Jesú gjöf um þessi jól. Um hann snýst jú þessi hátíð fyrst og fremst. Guð gaf dýrmætustu gjöf allra tíma þegar hann gaf son sinn í heiminn til að opna leiðina fyrir okkur inn í himininn. Jesús gaf líf sitt fyrir þig og mig til að við gætum eignast eilíft líf með honum. Það eina sem þú þarft að gera er að taka við þeirri gjöf og gera hana að þinni. Mig langar að hvetja þig til að gefa honum tíma þinn í jólagjöf - að setjast niður og gefa þér tíma fyrir Jesú.Við erum svo uppteknar við allt annað en að gefa honum tíma okkar.Í Lúkasi 10: 38-42 lesum við frásögnina um systurnar Mörtu og Maríu.María elskaði Jesú af öllu hjarta. Hún leitaðist við að eiga tíma með honum og nota hvert tækifæri til að hlusta á hvað hann hafði að gefa. Hún hafði greinilega áttað sig á því hver hann var í raun og veru - sonur hins lifanda Guðs.Marta elskaði Jesú líka en hún var uppteknari af vinnunni og af öllum verkunum og gaf sér því minni tíma til að hlúa að sjálfri sér og sínu andlega lífi.Í dagsins önn er mikilvægt að við setjumst niður og gefum okkur tíma til að fylla á okkar andlega líf. Ef við gerum það ekki þornum við upp, þolinmæðin minnkar, kærleikurinn kólnar, ýmislegt fer að fara í taugarnar á okkur sem annars myndi ekki ger það og tungan fer á fullt skrið.Og hvar fáum við þessa næringu til að fylla á anda okkar? Jú það er með því að setjast niður og lesa í Biblíunni og tala við Guð. Þannig fáum við næringu fyrir anda okkar. Okkur myndi aldrei detta í hug að sleppa því að borða þegar mikið er að gera því þá myndum við ekki hafa orku til að vinna verkin okkar. Þannig er það líka með anda okkar.Notum tímann okkar vel yfir jólin. Byrjum á að gefa Jesú af tíma okkar og þá mun hann gefa okkur það sem til þarf af þolinmæði og styrk til að gera það sem við þurfum að gera.Megi Drottinn blessa þig og styrkja þig og gefa þér yndisleg jól með sönnum jólatilgangi.Erdna Varðardóttir Wed, 24 Dec 2008 01:56:04 GMT http://www.123.is/jesukonur/blog/record/313808/ Það hefur ekki farið fram hjá neinum hvað gerst hefur í íslensku samfélagi undanfarnar vikur. Lítið er rætt um annað en efnahagsástand og margir eru mjög langt niðri. Fólk minnir sig á að hlúa að því sem þeim er kærast, fjölskyldu og vinum. Það er rétt að við eigum að meta það sem við eigum í kringum okkur en mig langar í þessum stutta pistil að minna okkur á annað sem við eigum en margir hafa hugsað lítið um dags daglega og það er trúin okkar á Jesú. Oft er það þannig að margir hugsa lítið um trúmál meðan allt leikur í lyndi en snúa sér svo til Guðs þegar erfiðleikar koma upp. Þess vegna er mikilvægt að við sem höfum tekið trú á Jesú séum það ljós sem hann hefur kallað okkur til að vera. Ég trúi því að einmitt á tímum sem þessum þurfum við að vera vakandi fyrir því að gefa von þar sem vonleysi ríkir, ljós þar sem er myrkur og frið inn í óöryggi og ótta. Þér eruð ljós heimsins. Borg, sem á fjalli stendur, fær ekki dulist. Ekki kveikja menn heldur ljós og setja undir mæliker heldur á ljósastiku og þá lýsir það öllum í húsinu. Þannig lýsi ljós yðar meðal mannanna að þeir sjái góð verk yðar og vegsami föður yðar sem er á himnum. Matteus 5:14-16Mig langar því að hvetja þig til að taka stöðu þína sem JesúKona í þínu umhverfi, á vinnustaðnum þínum, meðal nágranna þinna og þeirra sem þú umgengst og vera skýnandi ljós Jesú Krists þar. Talaðu líf þegar verið er að tala dauða og talaðu von inn í umhverfi þitt. Biddu fyrir umhverfi þínu að Guð megi nota þig til að vera uppörfun fyrir einhvern sem þarf á þvi að halda. Hver veit nema þú sért á þessum stað í dag einmitt vegna þessara tíma? því að "hver sem ákallar nafn Drottins verður hólpinn". En hvernig eiga menn að geta ákallað þann sem þeir trúa ekki á? Og hvernig eiga þeir að trúa á þann sem þeir hafa ekki heyrt um? Og hvernig eiga þeir að heyra án þess að einhver prédiki? Rómverjabréfið 10:13-14Jesús kom inn í þennan heim til að við getum átt frið við Guð. Hann kom til að fylla tómarúmið sem er ynnra með okkur og gefa okkur sannan tilgang með lífi okkar. Það er okkar verk að láta aðra vita af því. Réttum fram það sem við höfum - sem er sannur friður, sönn gleði og von um eilíft líf í Jesú Kristi. Það er ekkert úrelt að vera kristinn.Drottinn blessi þig.Erdna Varðardóttir Mon, 03 Nov 2008 00:04:44 GMT http://www.123.is/jesukonur/blog/record/292411/ Nú er því engin fordæming fyrir þá, sem tilheyra Kristi Jesú (Róm. 8:1).Þetta er sannleikur úr orði Guðs beint inn í líf okkar. Engu að síður er það staðreynd að margir kristnir einstaklingar eru þjakaðir af fordæmingu. Finnst þeir algjörlegar misheppnaðir og engum til gagns. En hvers vegna er þetta svona? Mín trú er sú að það sé lygi óvinarins sem bindur okkur og að það sé hans verk að við séum undir fordæmingu. Hann hvíslar lygum sínum í eyru okkar og ef við gáum ekki að okkur meðtökum við þær inn í líf okkar og förum að trúa þeim. Sannleikurinn er sá að mikill munur er á fordæmingu (condemnation) og sannfæringu Guðs (conviction). Heilagur andi sannfærir okkur um synd, réttlæti og dóm ( ). Sannfæring er því alltaf um eitthvað ákveðið atriði og við upplifum þörf til að iðrast og snúa okkur frá syndinni. Þ.e. færir líf. En fordæming er mun almennari, ég get ekki gert neitt almennilega, ég er vonlaus. Færir dauða. Mín hvatning til okkar er að við gætum huga okkar (Róm. 12.2) og byggjum okkur upp á orði Guðs. Minnum okkur á hverjar við erum í Jesú Kristi. Ég er útvalin af GuðiÁður en heimurinn var grundvallaður hefur hann útvalið oss í Kristi, til þess að vér værum heilagir og lýtalausir (án bletts eða hrukku) fyrir honum (Efes. 1:4). Ég er ættleidd af GuðiÍ kærleika sínum ákað hann fyrirfram að veita okkur sonarrétt í Jesú Kristi (Efes. 1:4-5). Ég er barn Guðs, í fjölskyldu hansSjáið hvílíkan kærleika faðirinn hefur auðsýnt oss, að vér skulum kallast Guðs börn. Og það erum vér. Heimurinn þekkir oss ekki, vegna þess að hann þekkti hann ekki (1. Jóh. 3:1). Ég á fyrirgefningu Hans á öllum syndum mínumEf vér játum syndir vorar, þá er hann trúr og réttlátur, svo að hann fyrirgefur oss (allar) syndirnar og hreinsar oss af öllu ranglæti (1. Jóh 1:9). Ég er endurleyst af Guði (í samhljómi við Hann)En ef vér göngum í ljósinu, eins og hann er sjálfur í ljósinu, þá höfum vér samfélag hver við annan og blóð Jesú, sonar hans, hreinsar oss af allri synd (1. Jóh. 1:7). Guð sér mig sem heilaga, lýtalausa og óaðfinnanlegaOg yður, sem áður fyrri voruð fráhverfir Guði og óvinveittir honum í huga yðar (sál ) og vondum verkum (líkama), yður hefur hann nú sátta gjört við sig með dauða Krists í jarðneskum líkama. Hann vildi láta yður koma fram fyrir sig heilaga, lýtalausa og óaðfinnanlega (Kól 1:21-22). Ég er merkt innsigli heilags andaÍ honum eruð og þér, eftir að hafa heyrt orð sannleikans, fagnaðarerindið um sáluhjálp yðar og tekið trú á hann og verið merktir innsigli heilags anda, sem yður var fyrirheitið (Efes. 1:13). Ég er kölluð til að uppfylla tilgangs Guðs, samkvæmt ákvörðun HansVér vitum, að þeim, sem Guð elska, samverkar allt til góðs, þeim sem kallaðir eru samkvæmt ákvörðun Guðs (Róm. 8:28). Þá sem hann fyrirhugaði, þá hefur hann og kallað, og þá sem hann kallaði, hefur hann og réttlætt, en þá sem hann réttlætti, hefur hann einnig vegsamlega gjört (Róm 8:30). Ég er samþegn hinna heilögu og heimamaður Guðs (hef full ríkisborgararéttindi meðal Guðs fólks)Þess vegna eruð þér ekki framar gestir og útlendingar, heldur eruð þér samþegnar hinna heilögu og heimamenn Guðs (Efes. 2:19). Ég er réttlætt (Guð sér mig sem réttláta)Réttlættir af trú höfum vér því frið við Guð fyrir Drottin vorn Jesú Krist (Róm. 5:1). Ég er helguð (frátekin fyrir anda Guðs)Og þetta voruð þér, sumir yðar. En þér létuð laugast, þér eruð helgaðir, þér eruð réttlættir fyrir nafn Drottins Jesú Krists og fyrir anda vors Guðs (1. Kor. 6:11). Ég er endurleyst - keypt með blóði kristsÍ honum, fyrir hans blóð eigum vér endurlausnina og fyrirgefningu afbrota vorra (Efes. 1:7). Ég er hreinsuð með blóði krists (af öllum syndum mínum)En ef vér göngum í ljósinu, eins og hann er sjálfur í ljósinu, þá höfum vér samfélag hver við annan og blóð Jesú, sonar hans, hreinsar (færir frá okkur) oss af allri synd (1. Jóh. 1:7). Ég er erfingi Guðs og samarfi KristsSjálfur andinn vitnar með vorum anda, að vér erum Guðs börn. En ef vér erum börn, þá erum vér líka erfingjar, og það erfingjar Guðs, en samarfar Krists, því að vér líðum með honum, til þess að vér einnig verðum vegsamlegir með honum (Róm. 8:16-17). Ég er erindreki KristsVér erum því erindrekar Krists, eins og það væri Guð, sem áminnti, þegar vér áminnum. Vér biðjum í Krists stað: Látið sættast við Guð (2. Kor. 5:20). Mér er ætlað að líkjast persónu KristsÞví að þá, sem hann þekkti fyrirfram, hefur hann og fyrirhugað til þess að líkjast mynd sonar síns, svo að hann sé frumburður meðal margra bræðra (Róm. 8:29). Ég er frjáls/laus undan fordæminguNú er því engin fordæming fyrir þá, sem tilheyra Kristi Jesú (Róm. 8:1). Af því að ég tilheyri Jesú er ég réttlætt í honum og laus undan syndinni (eins og við töluðum um áðan) þá þarf ég ekki að dæma sjálfa mig. Ég get gert allt vegna KristsAllt megna ég fyrir hjálp hans, sem mig styrkan gjörir (Fil. 4:13). Minnum okkur sjálfar á þessi fyrirheit Guðs og tökum ekki við fordæmingu óvinarins sem kemur eingöngu til að stela slátra og eyða. Hann hefur ekkert vald í lífi okkar og Guð hefur eingöngu góða hluti fyrir okkur og hefur fyrirbúið okkur vonarríka framtíð (Jer. 29:11).Guð blessi okkur allar og styrki á göngunni með honum.Alís Inga Thu, 18 Sep 2008 13:20:10 GMT http://www.123.is/jesukonur/blog/record/279568/ Flestir Íslendingar í dag vita að mataræði hefur áhrif á heilsu og líðan. Ef við borðum óhollan og næringarlausan mat mun okkur líða eftir því. Slíkt mataræði mun hafa áhrif á líf og líkama okkar fyrir rest. Við verðum veik, heilsulaus, meltingarkerfi okkar verður fyrir skaða og jafnvel hjarta og æðakerfi okkar líka. Því reyna flestir Íslendingar í dag að velja næringarríkan mat sem byggir upp líkama okkar og heilsu.Færri hafa áhyggjur af andlegu mataræði okkar. Hvað ertu að borða andlega?Við vitum að það sem við nærum anda okkar á hefur áhrif á allt okkar líf. Ef við "borðum" næringarlausa andlega fæðu verðum við sljó, værukær, missum sjónar af stefnu okkar sem kristnir einstaklingar og fyrir rest mun það hafa áhrif á siðferði okkar og allt trúarlífið.Ef við nærum okkur hins vegar á orði Guðs - Biblíunni, lesum bækur og kennsluefni sem hjálpa okkur að skilja Biblúna betur og eigum samfélag við Guð í gegnum bæn munum við vaxa og verða sterk. Við munum ekki bara vera sterk andlega talað því slík næring mun hafa miklu víðtækari áhrif á líf okkar. Sterkir kristnir einstaklingar vita hverjir þeir eru (í Kristi), þeir standa óhaggaðir þegar þeir mæta mótlæti í lífinu, þeir vita hvert þeir stefna og hver er þeirra köllun í lífinu og fara efitr því.Þvílíkur munur á þessu tvennu og þetta hefur bara með "andlegt mataræði" að gera.Jesús sagði við þá: "Minn matur er að gera vilja þess sem sendi mig og fullna verk hans. Jóh. 4. 34Látið því ekki hið góða sem þið eigið verða fyrir lasti. Guðs ríki er ekki matur og drykkur heldur réttlæti, friður og fögnuður í heilögum anda. Hver sem þannig þjónar Kristi er Guði velþóknanlegur og í metum hjá mönnum. Keppum þess vegna eftir því sem til friðar heyrir og eflir samfélagið. Róm 14.17Við þurfum að fylla okkur af orði Guðs og læra að þekkja það til að geta notað það þegar á þarf að halda. Þetta er alveg eins og með okkur líkamlega. Ef við höfum borðað vel þá höfum við þá orku sem til þarf til að sinna vinnu okkar. Ef við hins vegar erum svöng verðum við máttlaus, einbeitingarlítil og þreytt og getum ekki tekist á við verkefnin eins og skildi. Orð Guðs á að vera eins og aukaforði sem við grípum í þegar á þarf að halda, við getum sótt það því það býr ynnra með okkur. Við skulum kíkja á nokkur dæmi:Drottinn er eilífur Guð, er skapað hefir endimörk jarðarinnar. Hann þreytist ekki, hann lýist ekki, speki hans er órannsakanleg. Hann veitir kraft hinum þreytta og gnógan styrk hinum þróttlausa. Ungir menn þreytast og lýjast, og æskumenn hníga, en þeir, sem vona á Drottin, fá nýjan kraft, þeir fljúga upp á vængjum sem ernir. Þeir hlaupa og lýjast ekki, þeir ganga og þreytast ekki.Jesaja 40: 28-31Verið ávallt glaðir í Drottni. Ég segi aftur: Verið glaðir. Ljúflyndi yðar verði kunnugt öllum mönnum. Drottinn er í nánd. Verið ekki hugsjúkir um neitt, heldur gjörið í öllum hlutum óskir yðar kunnar Guði með bæn og beiðni og þakkargjörð. Og friður Guðs, sem er æðri öllum skilningi, mun varðveita hjörtu yðar og hugsanir yðar í Kristi Jesú. Fil. 4:4-7Því að ekki gaf Guð oss anda hugleysis, heldur anda máttar og kærleiks og stillingar.1. Tím. 1:7En hvernig er þá lestri okkar í Biblíunni háttað? Nærum við okkur daglega (mæli með að lesandi kíki á pistilinn "hvernig á að stúdera Biblíun") þar sem við lesum markvisst og leifum Guði að tala til okkar í gegnum það sem við lesum? Eða lesum við bara einhverstaðar þar sem Biblían opnast eða drögum við mannakorn og nærum okkur eingöngu þannig? Ég líki því við að við opnum skápinn og fáum okkur eitt tekex af því að við erum að drepast úr hungri og ætlumst til að verða södd af því!Biblían er full af fyrirheitum, kennslu og uppörfun fyrir okkur og við þurfum að læra að þekkja orð Guðs. Við þurfum sífellt að fylla á orðaforðann okkar til að geta staðið gegn óvininum þegar hann reynir að segja okkur að lygin sé sannleikur!Að lokum: Styrkist nú í Drottni og í krafti máttar hans. Klæðist alvæpni Guðs, til þess að þér getið staðist vélabrögð djöfulsins. Því að baráttan, sem vér eigum í, er ekki við menn af holdi og blóði, heldur við tignirnar og völdin, við heimsdrottna þessa myrkurs, við andaverur vonskunnar í himingeimnum. Efes. 6:10-13Verum það fólk sem Guð hefur ákvarðað okkur til að vera og vöxum í orði Guðs og þekkingunni á honum.Vitið þið ekki að líkami ykkar er musteri heilags anda sem í ykkur er og þið hafið frá Guði? Þið eigið ykkur ekki sjálf. Þið eruð verði keypt. Vegsamið því Guð með líkama ykkar. 1. Kor 6. 19-20Þú er það sem þú borðar. Þú ein(n) getur breytt þínu andlega mataræði svo þú farir að vaxa og styrkjast í trúnni á Drottinn Guð. Erdna Varðardóttir Fri, 15 Aug 2008 11:49:55 GMT http://www.123.is/jesukonur/blog/record/271454/ Orðskviðirnir 31.10-31.Þvílík kona sem við lesum um í þessum kafla. Hér er á ferðinni góð kona, svo verðmæt að jafnvel fegurðin í hinum fegurstu perlum bliknar við hliðina á henni. Maðurinn hennar er fullviss um að hann geti treyst henni í einu og öllu, eins og segir í versi 11. "Hún gjörir honum gott og ekkert illt alla ævidaga sína." Hún er sem sagt besti vinur hans. "Hún sér um ull og hör og vinnur fúslega með höndum sínum.. Hún er eins og kaupförin, sækir björgina langt að". Þessi kona er alveg mögnuð. Hún elskar áskoranir og tekst á við þær. Hún skammtar þjónum sínum verkefni dagsins og fer ásamt öðrum til að versla fyrir heimilið og ýmsan varning sem hún getur búið til föt úr.Þar sem ferðalög á þessum tíma voru annaðhvort fótgangandi eða á hestum þá efast ég um að hún hafi getað skellt sér í bæinn þar sem stóru markaðirnir voru og komið aftur heim til að undirbúa kvöldmatinn. Nei svona ferð gat jafnvel tekið nokkra daga. Kanski mætti hún skipunum þegar þau komu í land og keypti sinn varning beint af þeim, ull, hör og mat. Hún hefur greinilega haft gott peningavit og verið skynsöm því hún færði manni sínum ekki skömm heldur gekk hreint til verks og keypti aðeins það sem hún vissi að hún hafði þörf fyrir.Eins og við erum nú þegar búin að uppgötva, átti þessi kona mann sem var meðvitaður um að konan hans þurfti á aðstoð að halda. Kanski var atvinna hans þannig að hann hafði ekki mikinn tíma aflögu til að hjálpa henni heima fyrir, enda þurfti hann þess ekki því hann skaffaði það vel að þau höfðu efni á að ráða til sín þjóna til að létta undir með þessari atorkusömu konu. En þrátt fyrir að hún hafði þjóna þá gerði hún sér grein fyrir því að hún var sú sem bar ábyrgðina á fjölskyldunni. Hún vildi aðeins það sem var gott fyrir fólkið sitt og þar voru máltíðir engin undantekning. Hún hefur vitað að rétt mataræði skiptir máli fyrir heilsuna. Því "fer hún á fætur fyrir dag og skammtar heimilisfólki sínu og segir þernum sínum fyrir verkum". Hún hefur greinilega passað uppá að kokkurinn eldaði eingöngu hollann og næringarríkan mat. Og sennilega hefur hún skipulagt matseðilinn sjálf, á meðan það var hljótt í húsinu og hún gat hugsað skýrt. Á meðan þjónar þrifu og pössuðu börnin fór hún að skoða akur sem hún hafði heyrt um. Hún gekk yfir akurinn til að sjá hvort hann væri arðbær eða ekki. Við getum eins reiknað með því að hún hafði verið búin að leggja fyrir væna summu. Eiginmaður hennar hefur sennilega skammtað henni vel og svo hefur hún verið nógu klók til að vera með nokkra hluti á prjónunum samtímis. Hann hlýtur að hafa verið mjög vitur maður, jafnvel mikill kaupsýslumaður og hann vissi að konan hans var dugleg. Hann vissi líka að gáfuð dugleg kona vinnur best þegar hún hefur nóg svigrúm til þess, ekki einhvern hangandi yfir sér í hvert fótmál. Þess vegna hefur hann leyft henni að taka mikilvægar ákvarðanir án þess að hann þurfti að eiga síðasta orðið. Mig grunar nú samt að au hafi rætt hlutina sín á milli og að konan hafi tekið mark á skoðunum manns síns. Því þegar kona elskar og virðir manninn sinn, þá gerir hún það af heilu hjarta. Ég get því ýmindað mér að svar manns hennar hafi verið á þessa leið "Ja, elskan mín, þú skoðaðir þessa eign. Ef þú heldur að þetta séu góð kaup þá skaltu bara kaupa hana"! Hún þarf ekki að láta hann klára vinnuna fyrir sig, því bæði vita þau að hún er fullfær um að gera það sem er rétt og heimilinu fyrir bestu. Að eiga slíka dugnaðarkonu, er líka þessum mikla manni til framdráttar, því þá gat hann haldið áfram að sinna þeim málum sem honum voru efst í huga, í pólitíkinni - því í borgarhliðunum voru stjórnmálin rædd."Maður hennar er mikils metinn í borgarhliðunum, þá er hann situr með öldungum landsins". Þetta sjáum við í versi 23. Bara þetta sýnir að hann hafi bæði verið vitur og þroskaður maður sem ekki þurfti að sýna vald sitt með því að skipa konu sinni fyrir verkum. En aftur að akrinum. "Hún hefur augastað á akri og kaupir hann, og af ávexti handa sinna plantar hún víngarð". Já enn einu sinni stakk hún hendinni í peningabudduna og réði til sín verkamenn í víngarðinn. Hún hafði nefninlega komist að því að bæði loftslagið og moldin hentaði vel til vínyrkju. Fyrir utan það fannst henni vínber góð því þau gátu orðið að mat og drykk fyrir fjölskylduna. Og það er næsta víst að umframmagnið var selt og það skilaði enn meiri peningum í sokkana því uppáhalds peningabuddan var orðin stútfull. Í 17. versi sjáum við að hún var sterk, ekki bara líkamlega heldur einnig andlega. Og í 18. versi "Hún finnur að atvinna hennar er arðsöm, á lampa hennar slokknar eigi um nætur". Hún vann ekki aðeins langa vinnudaga til að komast yfir allt sem hún þurfti að gera, heldur þegar lífið varð erfitt gat hún verið skínandi ljós í myrkrinu fyrir alla sem voru í kringum hana. Kona sem er stöðuglega hrædd við skoðanir manns síns getur aldrei fengið slíkan kraft. En vegna þess að hún vissi að maðurinn hennar treysti henni vissi hún að hann yrði sáttur við ákvarðanir hennar. Hann brjálaðist ekki þegar hún gerði mistök, því ef hann hefði gert það hefði hennar kvenlega eðli haldið henni frá því að taka sjálfstæðar ákvarðanir af ótta við mann sinn. Þrátt fyrir allar ferðir hennar á markaðinn, innkaupaleiðöngrum, eldamennsku, jarðvinnu og umhyggju fyrir fjölskyldunni gaf hún sér samt tíma til að hjálpa fátækum. Án efa hefur hún farið til ekkjunnar í nágreninu og hjálpað henni með innkaup og annað, því "Hún breiðir út lófann móti hinum bágstadda og réttir út hendurnar móti hinum snauða". Enn einu sinni tekur hún réttar ákvörðanir. Að hjálpa fátækum og þeim sem áttu erfitt var hennar þjónusta fyrir Guð. "Hún býr sér til ábreiður, klæðnaður hennar er úr baðmull og purpura". Þessi kona hefur vandað til verks í öllum hlutum, líka þegar kom að því að velja efni í föt, ábreiður og annað. Einhvern veginn get ég ekki ýmindað mér að hún hafi beðið manninn sinn um leyfi til að kaups sér efni í nýjan kjól! Það hefði verið móðgun gagnvart manni hennar. En hún klæddist ekki bara fínum fötum sjálf heldur sá hún til þess að allt hennar heimilisfólk var vel til fara. "Hún er ekki hrædd um heimilisfólk sitt, þótt snjói, því að allt heimilisfólk hennar er klætt skarlati". Þessi merkilega kona keypti ekki aðeins og seldi landareignir, svona bara til að geta skipt máli utan heimilisins, heldur græddi hún líka peninga á fögrum skyrtum og hlutum sem hún bjó til úr hörinu sem hún hafði keypt. Á meðan maður hennar sat í borgarhliðunum og leysti mikilvæg mál, fór hún af stað til kaupmannsins til að fá sem best verð fyrir fögru skyrturnar og beltin sem hún hafði búið til. En hvers vegna hafði hún ekki þörf fyrir að sitja sjálf í borgarhliðunum og hafa áhrif á ákvarðanatökur í mikilvægum málum? Ein skýringin gæti e.t.v. verið sú að það tíðkaðist ekki á þessum tíma að konur tækju þátt í stjórnmálum. En satt að segja skiptir það ekki höfuðmáli hér því ég er nokkuð viss um að hún hafi haft áhrif á margar mikilvægar ákvarðanatökur í borgarhliðunum í gegnum manninn sinn. Því maður sem á skynsama konu notar að líkindum margar kvöldstundir til að ræða við hana um þau vandamál sem hann stendur frammi fyrir. Því er vel hægt að reikna með því að margt af því sem hann leggur fram á stjórnarfundum hafi verið fyrir áhrif hinnar vitru eiginkonu. Þar sem eiginmaður hennar hefur verið Guði þóknanlegur, bjó kona hans yfir miklum styrk tilfinningalega, andlega og líkamlega. Og vegna þess að hún treysti því að maðurinn hennar virti það sem hún hafi að segja gat hún fúslega miðlað af ráðum sínum bæði til hans og annara. Í versi 26. lesum við að "Hún opnar munninn með speki". Viska hennar endurspenglast í vinsamlegum orðum. Þessi kona hefur heldur enga ástæðu til að öskra og brjálast við börnin sín. Hún þarf ekki að fá tilfinningarlega útrás á þeim því hún þekkti tilfinnigar sínar..."og ástúðleg fræðsla er á tungu hennar".En hvað gerðist svo með þessa konu sem var frjáls til að vera sú kona sem Guð hafði ætlað henni? Jú maðurinn hennar stóð upp og hrósaði henni. Já pabbi gaf tóninn. Hann lét börnin sín heyra hvað þau áttu yndislega og frábæra mömmu og börnin hennar lærðu af góðu fordæmi. Þau litu upp til hennar.Leyndarmálið á bak við framgangi mannsins hennar og reyndar hennar sjálfrar finnum við í versi 30 og 31. "Yndisþokkinn er svikull og fríðleikinn hverfull, en sú kona, sem óttast Drottin, á hrós skilið. Gefið henni af ávexti handa hennar, og verk hennar skulu lofa hana í borgarhliðunum". Mættum við allar sað stefna að því að vera þær konur sem Guð hefur ætlað okkur að vera svo að árangur okkar verði sem mestur í lífinu, þjónustunni og fjölskyldunni. Munum að Guð launar okkur margfalt þegar við göngum í vilja hans.Erdna Varðardóttir Sun, 20 Jul 2008 22:56:26 GMT http://www.123.is/jesukonur/blog/record/255202/ Þetta er spurnig sem er þess virði að spyrja sjálfan sig að aftur og aftur.Veistu að Guð hefur áætlun með líf þitt!Þegar hann skapaði þig var það ekki af einskærri tilviljun, heldur vegna þess að þú ert mikilvæg. Við vitum flestar að Guð hefur einhverja áætlun með líf okkar, en svo ströndum við þar, við vitum ekki hvað við eigum að gera næst.Ég skal segja þér hvernig þú getur komist að því hvað Guð vill með þig. Hlustaðu á litlu hugmyndirnar sem þú færð, sem stundum geta virkað svo fáránlegar, en víkja samt ekki úr huga þér. Þú ert jafnvel farin að plana allt mögulegt án þess að þú ætlaðir þér að gera það.Þú getur verið búin að taka á móti Jesú sem frelsara þínum, skírst í Heilögum Anda og jafnvel talað tungum. Kanski ertu meira að segja að þjóna í kirkjunni þinni. En er það sem þú ert að gera núna, það sem er fullkominn vilji Guðs með líf þitt? Á Heilagur Andi þig?Hefurðu þorað að setjast niður og spyrja Guð hvað það sé sem hann vill með þig?Stundum er tími til að hlusta, stundum tími til að bíða og stundum er tími til að framkvæma. Veistu að hlíðni þín við Guð gæti breytt sögunni!Við getum lesið margar frásagnir í Biblíunni um venjulegt fólk sem ákvað að hlíða því sem Guð bað það um að gera, jafnvel þó það hafi, mannlega séð, verið alveg út í hött.Við getum lesið um Hönnu í 1. Samúelsbók 1. kafla. Hanna gat ekki eignast börn. Í angist sinni gaf hún Guði loforð um að ef hann myndi gefa henni barn myndi hún færa það Guði. Þegar hún svo eignaðist son var komið að henni að standa við sinn hluta sáttmálans, að færa hann Guði. Hanna fór með drenginn sinn í musterið þar sem hún lét hann alast upp. Hún hefði getað slept því, þetta var nú einu sinni barnið sem hún hafði þráð svo lengi. En Hanna hlíddi og það varð þjóð hennar til mikillar blessunnar því Samúel var einn af fremstu prestum Ísraels.Við getum líka lesið um Ester drottningu í Esterarbók.Hún var ung stúlka sem Guð hafði sett sem drottningu í fjarlægu landi, þegar hún komst að því að það áttiað eyða þjóð hennar. Hún tók mikla áhættu sem varð til þess að konungurinn þyrmdi þjóð hennar. Hún hefði getað slept því að taka áhættuna, vegna þess að ákvörðunin sem hún tók gat valdið því að hún yrði líflátin. En Ester hlíddi Guði sem varð til mikillar blessunar fyrir þjóð hennar.Svona getum við haldið lengi áfram og lesið um t.d. Gídeon í Dómarabókinni 6-7 kafla og ljósmæðurnar sem tóku hlíðni við Guð fram yfir lög Faraós í Egyptalandi. Við getum lesið um þærí 2. Mósebók 1. 15-21 (alveg mögnuð lesning).Í Postulasögunni 1.8 stendur:En þér munuð öðlastkraft er Heilagur Andi kemur yfir yður og þér munuð verða vottar mínir í Jerúsalem og allri Júdeu, í Samaríu og allt til endimarka jarðarinnar.Mark. 16. 17-18.En þessi tákn munu fylgja þeim er trúa: Í mínu nafni munu þeir reka út illa anda, tala nýjum tungum, taka upp höggorma og þó þeir drekki eitthvað banvænt mun þeim ekki verða meint af. Yfir sjúka munu þeir leggja hendur og þeir verða heilir.Lúkas 12.12Því að Heilagur Andi mun kenna yður á þeirri stundu hvað segja ber.Samt er það stundum þannig að þó við lesum svona vers og kunnum þau jafnvel utan að, þá tölum við okkur niður og gerum svo lítið úr okkur. Við hugsum jafnvel "ég get ekki gert þetta, ég er svo lítil og ómerkileg". Já það getur vel verið að það sé rétt, en Heilagur Andi sem býr ynnra með þér er það ekki!Því þarft þú að byrja á því að hlusta á Guð og komst að því hver sé hans fullkomna áætlun með þig. Þora að dreyma stóra drauma og læra að þekkja muninn á Heilögum Anda og eigin hugmyndum.Þú þarft líka að þora að gera mistök því enginn er fullkominn í fyrstu tilraun. Þegar þú gerir mistök skaltu rísa upp og halda áfram og ekki gefast upp.Þú þarft líka að hafa úthald, því úthaldið er lykillinn að velgengni.Hvað hefur Guð verið að segja við þig undanfarið?Heilagur Andi vill reisa upp konur og stelpur sem þrá að kynnast honum og hafa mjúkt hjarta. Þú ert hluti af þessari áætlun.Ekki segja við Heilagan Anda: "Nei þetta er ekki minn stíll, ég geri aldrei svona!"Við þurfum að vera fúsar og tilbúnar til að gera það sem Guð biður okkur um að gera, því það mun hafa í för með sér mikla blessun fyrir líf okkar og þjóð.Hver veit nema þú sért einmitt sett þar sem þú ert, einmitt vegna þessara tíma!Megi Drottinn blessa ykkurErdna Varðrdóttir Tue, 03 Jun 2008 00:46:27 GMT http://www.123.is/jesukonur/blog/record/255192/ Guð Faðir elskar okkur og hefur tilgang og áætlun með líf okkar. Hann skapaði okkur, hann var á undan öllu og vegna hans er allt til. Trúum við þessu og að hann vilji okkur aðeins það besta?Áður en ég eignaðist trú voru ákveðnar aðstæður í lífi mínu búnar að leiða mig langt af þeirri braut sem Guð hafði áætlað fyrir líf mitt en í kærleika sínum er hann sífellt að leiða mig lengra og lengra inn á þá braut sem Hann hafði fyrirbúið handa mér. Því að Hann hefur fyrirætlun til heilla en ekki til óhamingju fyrir mig og þig. Ýmislegt hefur þvælst fyrir á þessari braut, en Guði sé lof fyrir náð Hans og þolinmæði. Hann hefur ekki gefist upp á mér af því að Hann elskar mig og þráir að ég sé heil og heilshugar fyrir hann.Undanfarið hefur Guð verið að kenna mér um föðurhjarta sitt og hvernig Hann elskar okkur. Ég veit að Guð er að eiga þetta við fleiri og reyndar trúi ég því að þetta sé efni sem Guð er að tala vítt og breitt um heiminn. Hann vill opinbera fyrir okkur hver hann er í raun og veru. Hann er ekki einhver fjarlægur faðir sem situr uppi á himninum og bíður eftir að okkur verði á þannig að hann geti refsað okkur, heldur elskar hann okkur og agar -þannig að við vöxum og þroskumst í þekkingunni á honum.Stundum höfum við þessa mynd af ströngum - jafnvel refsandi Guði vegna jarðneskrar föður- eða móðurímyndar okkar eða vegna annarra yfirvalda sem við höfum verið undir. Við eigum auðveldar með Jesú því að Hann kom sem maður.Orð Guðs segir:Því að ég þekki þær fyrirætlanir, sem ég hefi í hyggju með yður - segir Drottinn -fyrirætlanir til heilla, en ekki til óhamingju, að veita yður vonarríka framtíð. Þá munuð þér ákalla mig og fara og biðja til mín, og ég mun bænheyra yður. Og þér munuð leita mín og finna mig. Þegar þér leitið mín af öllu hjarta,vil ég láta yður finna mig - segir Drottinn - og snúa við högum yðar. Jeremía. 29:11-14Því að ég er þess fullviss, að hvorki dauði né líf, englar né tignir, hvorki hið yfirstandandi né hið ókomna, hvorki kraftar, hæð né dýpt, né nokkuð annað skapað muni geta gjört oss viðskila við kærleika Guðs, sem birtist í Kristi Jesú Drottni vorum. Jóh. 8:38-39Úr fjarlægð birtist Drottinn mér: "Með ævarandi elsku hefi ég elskað þig. Fyrir því hefi ég látið náð mína haldast við þig. Jeremía 31:3Forréttindi að þekkja GuðMér finnst ég og við öll vera forréttindafólk að fá að þekkja Guð og ég trúi því að það sé svo mikil nauðsyn fyrir okkur að skilja þennan sannleika.Ég var að horfa á þátt í sjónvarpinu (dr. House) um daginn. Einn læknirinn hafði misgreint sjúkdóm og gefið sjúklingi ranga meðferð. Þetta leiddi til þess að sjúklingurinn lést. Læknirinn var að vonum alveg niðurbrotinn. Samlæknir hans vildi hughreysta hann og sagði "Þegar mér líður illa tala ég við Guð og læt sem Hann heyri". Mér þótti þetta afar sorglegt "Læt sem Hann heyri" Það er sorglegt að fólk skuli ekki þekkja Guð persónulega og eiga samfélag við hann. Ég velti því reyndar fyrir mér hvort þetta eigi jafnvel við aðila innan kirkjunnar!Guð heyrirVið erum ekki alltaf viss um að Guð heyri en Biblían segir að eyra hans sé ekki svo þykkt að Hann heyri ekki. Og á öðrum stað stendur, Mínir sauðir heyra raust mína, og ég þekki þá, og þeir fylgja mér. Jóh 10:27 Þannig að við getum líka heyrt í honum. Guð er stöðuglega að tala - en erum við að hlusta? (Job. 33:14)Guð hefur kallað okkur til innilegs og náins samfélags við sig. Hann gleðst yfir okkur og segir okkur að gleðjast yfir sér líka, sbr. Orðin í sálmi 37 vers 3-5.Treyst Drottni og gjör gott, bú þú í landinu og iðka ráðvendni, þá munt þú gleðjast yfir Drottni, og hann mun veita þér það sem hjarta þitt girnist. Fel Drottni vegu þína og treyst honum, hann mun vel fyrir sjá.Í byrjun síðasta árs, sagði Guð við mig að við þráum Hann ekki nóg eða látum okkur nægja svo lítið, Hann vill gefa okkur svo miklu meira af sér. Og af því að Guð er persónulegur Guð talaði Hann til mín á þann hátt sem ég skil. Hann sagði við mig að þegar mig langar mjög mikið í súkkulaði þá læt ég mér ekki nægja einn mola hvað þá bara í milsnuna sem verður eftir þegar súkkulaðið er brotið í bita. Ég vil mikið af súkkulaði þegar sá gállinn er á mér...Hjarta mitt þráir að við sem kirkja og brúður tökum við öllu sem tilheyrir okkur og lifum Guði til fulls. Allt of oft þá lifum við eins og munaðarleysingjar þegar við erum í raun og veru synir og dætur Guðs.Ekki mun ég skilja yður eftir munaðarlausa. Ég kem til yðar. Jóh 14:18.Guð hefur sjálfur sagt: "Ég mun ekki sleppa af þér hendinni né yfirgefa þig." Heb 13:5Það að vera synir og dætur Guðs þýðir að við erum elskuð óverðskuldað og skilyrðislaust. Ekki vegna verka okkar eða afreka heldur fyrir það að vera við, ég og þú. Við erum sköpuð til samfélags við Hann.Hvatning mín til okkar allra er eftirfarandi, Guð þráir meira að eiga samfélag við okkur en við við Hann. Hann vill ekkert frekar en að við meðtökum allt sem hann hefur fyrir okkur og að við lifum honum til fulls.Ég bið Guð að blessa okkur öll og leiða okkur inní dýpra og innilegra samfélag við hann.Alís Inga Freygarðsdóttir Tue, 03 Jun 2008 00:16:05 GMT http://www.123.is/jesukonur/blog/record/255196/ Aðferð Anne Graham Lotz við að stúdera BiblíunaTil að stúdera Biblíuna þarf: Biblíu Blýant eða penna Glósubók eða eitthvað til að skrifa á Tíma til að lesa Biblíuna. Það hafa allir mjög mikið að gera og því þarf að búa til tíma til að stúdera Biblíuna. Anne Graham Lotz vaknar snemma á morgnanna til að stúdera Biblíuna. En segir að það hvenær þú stúderar Biblíuna sé ekki aðalatriðið heldur það að þú gerir það daglega. Hvort sem það er snemma á morgnanna, í hádeginu eða á kvöldin. Mæltu þér mót við Guð og stattu við það rétt eins og þú mælir þér mót við lækninn þinn og mætir í þann tíma. Það er hvatning hennar. Áður en þú byrjar að lesa skaltu alltaf taka örlítinn tíma til að biðja til Guðs. Biddu Guð að opna Orðið fyrir þér.Biblían er yndisleg sögubók, hún er ljóðabók, spádómabók en hún er líka yfirnáttúruleg bók.Aðferðin fellst í að spyrja sig þriggja spurninga við lestur Orðsins, þær eru: Hvað segir textinn? Til að svara þessari spurningu les hún textann vandlega yfir a.m.k. 2svar. Þegar hún les í annað sinn gerir hún lista yfir staðreynirnar í textanum. Hún setur þær ekki í sín eigin orð, heldur dregur þau bara út úr textanum og leitar að nafnorðunum og sagnorðunum. Hvað þýðir textinn? Til að svara þessari spurningu fer hún í staðreyndalistann úr spurningu eitt og veltir fyrir sér hvað hún geti lært af þeim. Hún leitar að lærdómi eða andlegu lögmáli (prinsip) sem hún getur dregið af þessu. Til að hjálpa okkur getum við spurt okkur hvað er fólkið að gera sem það á að vera að gera og hvað er fólkið að gera sem það á ekki að vera að gera. Með öðrum orðum er hér fordæmi sem ég get tileinkað mér? Er viðvörun til að fara eftir? Er boð sem við eigum að fara eftir? Svona fer hún staðreynd fyrir staðreynd yfir versin og meðtekur þann lærdóm sem draga má af því sem hún les. Það geta verið fleiri en einn lærdómur af hverri staðreynd. Því er ekki um rétt eða rangt svar að ræða svo framarlega sem við höldum okkur við staðreyndirnar í versinu. Vegna mismunandi bakgrunns sjáum við hlutina í mismunandi ljósi og komum til með að læra mismunandi hluti út úr sama versinu, vegna þessa er mjög gefandi að stúdera Biblíuna með öðru fólki. Við getum lært hvert af öðru. Hvað þýðir textinn fyrir mig? Til að svara þessari spurningu fer hún í listann yfir það sem hún lærði af staðreyndunum þ.e. spurningu tvö. Hún mótar spurningar úr því sem hún hefur lært. Spurningar sem hún vil spyrja sjálfa sig, fjölskyldunana sína eða vini.Dæmi um þessa aðferð eru:En Samúel þekkti ekki enn Drottin, og honum hafði ekki enn birst orð frá Drottni. Þá kallaði Drottinn enn á Samúel, í þriðja skiptið. Og hann reis upp og fór til Elí og sagði: "Hér er ég, því að þú kallaðir á mig."Þá skildi Elí, að það var Drottinn, sem var að kalla á sveininn. Fyrir því sagði Elí við Samúel:"Far þú og leggstu til svefns, og verði nú á þig kallað, þá svara þú:,Tala þú, Drottinn, því að þjónn þinn heyrir.'" Fór Samúel þá og lagðist til svefns á sínum stað. Þá kom Drottinn og gekk fram og kallaði sem hin fyrri skiptin: "Samúel! Samúel!" Og Samúel svaraði: "Tala þú, því að þjónn þinn heyrir."(1. Sam. 3:7-10).1. Staðreyndir ítextanum:Vers 7: Samúel þekktiekki Guð eða Orð Hans.Vers 8: Í þriðjaskiptið kallaði Guð á Samúel og hann fór til Elí. Elí skildi að Guð var að tala.Vers 9: Elí sagði Samúel að leggjast niður og ef Guð talaði aftur, svara þá "ég er að hlusta".Vers 10: Samúelkallaði, "talaðu Drottinn, þjónn þinn heyrir".2. Hvað þýðir textinn?Vers 7: Samúel var í musterinu og því getum við dregið þá ályktun að það geti verið fólk í kirkjunni sem ekki þekkir Guð og Orð Hans.Vers 8: Guð talaði við Samúel en Hann þekkti ekki rödd Hans. Guð talar oft til okkar en við þekkjum ekki rödd Hans.Vers 9: Einn lærdómurinn gæti verið að við þurfum kennslu í því hvernig við eigum að heyra rödd Guðs.Vers 10: Einn lærdómurinn gæti verið að Guð talar til okkar persónulega og við þurfum að hlusta.3. Hvað þýðir textinn fyrir mig?Vers 7: Hversu vel þekki ég Drottinn og Orð Hans? Þekkir fólkið mitt Drottinn og Orð Hans?Vers 8: Er Guð að tala til mín og þekki ég rödd Hans.Vers 9: Er ég viljug að fylgja fyrirmælum um hvernig á að hlusta á rödd Guðs.Vers 10: Hversu opin er ég fyrir því að Guð tali til mín þegar ég les Biblíuna?Anne Graham Lotz segir svo frá að hún lesi Biblíuna sína með þessari aðferð á hverjum morgni. Hún segir að Guð tali ekki til hennar á hverjum morgni. "En morgnarnir sem Hann talar til mín eru fleiri en þeir sem Hann gerir það ekki" segir hún. "Hann gefur mér orð uppörvunar og leiðbeiningar og mjög oft hefur Hann talað við mig um hluti sem eru í hjarta mínu en ég hef jafnvel ekki deilt með neinum, en þegar ég les Biblíuna þá opinberar Hann þessa leyndu hluti í hjarta mínu". Þýðing, Alís IngaFreygarðsdóttir. Tue, 03 Jun 2008 00:00:00 GMT http://www.123.is/jesukonur/blog/record/255198/ Hverjir eru draumar þínir?Hvað hefur þig alltaf dreymt um að gera?Í popstulasögunni 2. Kafla og frá 17 versi stendur:"Það mun verða á efstu dögum, segir Guð, að ég mun úthella anda mínum yfir alla menn. Synir yðar og dætur munu spá, ungmenni yðar munu sjá sýnir og aldraða yðar á meðal mun drauma dreyma. Jafnvel yfir þræla mína og ambáttir mínar mun ég á þeim dögum úthella anda mínum, og þau munu spá."Erdna Varðardóttir Þegar ég les þetta vers verð ég mjög spent. Því ég trúi því ekki að verið sé að tala um dagdrauma eða drauma sem mann dreymir í svefni. Nei ég trúi því að Guð vilji úthella anda sínum yfir allar kynslóðir, að allar kyndlóðir muni finna að þær séu mikilvægur hlekkur í verki Guðs á jörðinni.Þegar fólk er ungt er auðvelt að láta sig dreyma stóra drauma um framtíðina, um allt sem við ætlum að gera þegar við verðum stór o.s.frv.En þegar aldurinn færist yfir er eins og fólk hætti að gera ráðstafanir, hætti að horfa fram á veginn og það hættir að láta sig dreyma. Ég hef meira að segja kynnst fólki sem er komið á eftirlaun sem bíður bara eftir að lífið endi! Þetta er sorgleg staðreynd, sérstaklega í dag þar sem margt gamalt fólk lifir fram yfir 80 jafnvel 90 ár. Margir eru líka heilsuhraustir í langan tíma.Ég trúi því einmitt að versin hér fyrir ofan tali um að aldraðir munu dreyma stóra drauma og hafa miklar framtíðarsýnir fyrir verki Guðs. Guð hefur þörf fyrir alla, líka þig!En þá hugsa margir með sér: "Hvað get ég svo sem gert", "Það eru margir aðrir miklu duglegri en ég", og "ég kann ekki eða get ekki þetta og hitt" o.s.frv.Þetta er rangur hugsunarháttur, því að Guð skapaði þig í sinni mynd, einmitt með þá hæfileika, framkomu og gjafir sem þú hefur yfir að búa, svo ég tali ekki um alla reynsluna sem býr í eldri kynslóðinni.Málið er það að því miður, þá eru kynslóðirnar á Íslandi í dag að fjarlægjast meir og meir. Þess vegna er mjög mikilvægt að við snúum þessari þróun við og sækjumst eftir að eiga samfélag hvort við annað. Ég veit að kynslóðir sem hafa lifað tímana tvenna búa yfir mikilli þekkingu og reynslu sem yngri kynslóðir vantar í dag. Ég veit líka að yngri kynslóðir búa yfir mikilli starfsorku og lífsgleði sem getur nýst þeim sem eldir eru.Þess vegna er svo mikilvægt að við vinnum saman sem ein heild.Jesús sagði sjálfur: "Uppskeraner mikil en verkamenn fáir. Biðjið því Drottin uppskerunnar að senda verkamenn til uppskeru sinnar." Matteus 9:37Það er alltaf nóg af verkefnum hjá Guði. Við þurfum aldrei að vera atvinnulaus hjá honum. Kanski átt þú erfitt með að vinna líkamlega vinnu en þú getur kanski beðið eða tekið að þér þá sem eru yngir!Hvaða drauma og framtíðarsýnir hefur þú?Þú veist að Guð notar einmitt bara venjulegt fólk til að gera stóra hluti fyrir sig. Því í vanmætti okkar er kraftur Guðs mikill.Við meigum aldrei hætta að láta okkur dreymaVið þurfum að hugsa stórt og dreyma stóra drauma! Tue, 03 Jun 2008 00:00:00 GMT http://www.123.is/jesukonur/blog/record/254394/ How to study the BibleEftir Joyce MeyerAf öllu því sem ég hef lært á göngu minni með Guði í gegnum árin hefur það að læra að lesa Biblíuna verið það mikilvægasta. Það er engin bók á jörðunni sem jafnast á við hana í visku eða lífsbreytandi sannleika. Aðferðir við að rannsaka Guðs orð. Efnisatriði - að fylgja ákveðnu efni í gegnum ritninguna. Persónuskoðun - að skoða líf einstaklinga í ritningunni. Skoða hverja bók - djúp skoðun á hverri bók Biblíunnar. Mikilvægir kaflar / ritningarstaðir - að kynnast vel gullkornum úr ritningunni. Minnisvers - að leggja vers á minnið. Tæki sem mælt er með. Uppfletti eða tilvísunar Biblía (Reference Bible) - t.d. Thompson Chain Reference eða Dakes Reference Bible. Mismunandi þýðingar á Biblíunni - íhugið að fá ykkur Amplified Bible, King James útgáfu, Revised Standard úgáfuna eða The Living Bible, The Message. Biblíu orðabók - t.d. Vine's Complete Expository Dictionary of Old and New Testament words. Orðalykil - t.d. Strong's Exhaustive Concordance of the Bible. Aðrar orðabækur eins og enska og/eða íslenska orðabók.Hvort sem þú hefur aldrei tekið upp Biblíuna eða hefur lesið Orðið í langan tíma, hefur þú hugsanlega spurningar á borð við "Hvað þýðir það að stúdera orðið? Hversu oft ætti ég að gera það? Hvað ætti ég að stúdera? Hvernig á ég að stúdera?" Vegna náðar Guðs trúi ég að þessi grein muni svara einhverjum af þeim spurningum sem þú hefur verið að spyrja. Hvað þýðir það að stúdera orðið?Orðið að stúdera þýðir að læra utan að, rannsaka vandlega, festa hugann við ákveðið efni eða að lesa og rannsaka með þeim tilgangi að að fá dýpri skilning. Það að lesa Biblíuna er gott og góður staður til að byrja á, þó er það að stúdera ritninguna betra vegna þess að það leyfir leyndum sannleika Guðs í Orðinu að smjúga inn í sálu okkar og anda. Þegar við lesum Orðið fáum við upplýsingar. En þegar við stúderum Orðið fáum við opinberun.(Í íslenskri orðabók þýðir orðið að stúdera, að kynna sér eitthvað rækilega, velta einhverju fyrir sér, íhuga. To study þýðir m.a. nám, lærdómur, fræðiiðkan, athugun, rannsókn, læra, nema, rannsaka, athuga, kanna, lesa, læra utanbókar, leggja á minnið, hugleiða. Erfitt er að finna eitthvað eitt orð í íslensku sem nær yfir þetta og því varð orðið stúdera ofan á. Innskot þýðanda). Hversu oft ætti ég að stúdera Orðið?Ég trúi að eitt af því mikilvægasta sem þú og ég getum gert til að dýpka samfélag okkar við Guð sé að taka frá tíma á hverjum degi til að skoða Orð Hans. Fyrir mig er sá tími snemma á morgnanna. Áður en ég byrja á nokkru öðru, þá gef ég Guði "fyrstu ávexti" dagsins míns. Þá er hugur minn skýrastur og mér finnst ég vera ferskust. Fyrir þig, gæti þinn besti tími verið rétt áður en þú ferð að sofa eða í hádeginu. Hvenær sem þinn besti tími er, vertu þá viss um að gefa Guði fyrstu ávexti hans. Þetta er það sem Hann vill og á skilið. Ef við höfum Hann númer eitt í lífi okkar, segir Hann að Hann muni sjá um allt annað sem við þörfnumst (Matt. 6:33).Hversu mikinn tíma ætti ég að gefa Guði?Það er ekki gefinn nein ákveðin tímalengd. Í raun, segir Biblían okkur aldrei frá hversu lengi við eigum að stúdera. Hún segir okkur bara að stúdera Orðið reglulega og við munum hljóta blessun (Jós 1:8, Sálm 1:2). Mér finnst gott að líkja því að stúdera Orðið við að borða. Þegar ég sest niður til að borða máltíð, þá borða ég þangað til ég er orðin södd. Það sama á við um að stúdera Orðið. Þegar ég sest niður til að stúdera þá dvel ég venjulega í Orðinu þangað til ég finn að ég er mettuð í anda mínum. Ef þú ert byrjandi í að stúdera Orð Guðs, gætir þú orðið södd/saddur eftir aðeins tíu eða fímmtán mínútur og það er allt í lagi. Tíu eða fimmtán mínútur geta verið allur sá tími sem þú hefur að gefa Honum núna. Gefðu honum bara þann tíma sem þú átt og það sem þér finnst í anda þínum að Hann vilji að þú gefir Honum. Það mun snerta hjarta Guðs og breyta lífi þínu. Hvaða hluta Biblíunnar ætti ég að stúdera?Ég trúi að besta svarið sem ég get gefið þér sé, "Hvar þarfnastu mestrar hjálpar? Á hvaða sviði lífs þíns ertu að glíma við vandamál?" Þar er besti staðurinn til að byrja að stúdera. Áttu í erfiðleikum með skapsmunina? Ertu óþolinmóð(ur)? Þarftu að taka ákvörðun um eitthvað? Það sem gott er að gera er að finna ritningarvers sem tekur á þeim aðstæðum sem þú ert að takast á við í lífi þínu og þú þarfnast hjálpar með. Hugsaðu um það. Ef þú færð höfuðverk ferðu þá í sjúkrakassann og dregur fram vaselín og smyrð því á höfuðið á þér? Ef þú skerð þig á hendinni, tekur þú þá blóðþrýstingslyf til að stoppa blæðinguna? Að sjálfsögðu ekki. Þú myndir líklegast biðja og síðan nota viðeigandi lyf á þetta tiltekna sár sem þú hefur. Ég trúi að við þurfum að gera það sama við andleg sár okkar.Segjum að þú eigir í vandræðum með þolinmæði. Ég held að við eigum það öll á tímum. Leiðin til að ná sigri á þessu sviði er að finna út hvað Biblían segir um það. Það fyrsta sem ég sting upp á að þú gerir er að fletta aftast í Biblíuna þína þar sem oftast er orðalykill. Orðalykill er listi af ritningarversum sem raðað er í starfrófsröð og með mismunandi efnistitlum. Flettu upp á orðum eins og þolinmæði og óþolinmæði. Þegar við finnum þau, er listi af ritningarversum þar undir. Fáðu þér glósubók og skrifaðu niður ritningarversin þannig að þú getir stúderað þau. (Í íslensku þýðingunni er ekki eins nákvæmur listi og í mörgum öðrum þýðingum, en til eru ýmsir Biblíulyklar, þ.á.m.íslenskur. Eins eru listar fremst í Nýja Testamentum Gídeonsmanna sem ýmsum góðum yfirskriftum. Svo er alltaf hægt að nota Biblíuna á netinu. Innskot þýðanda).Annað sem þú getur gert til að fá dýpri skilning er að fá þér góða orðabók og fletta upp orðunum þolinmæði og óþolinmæði. Þegar þú hefur fundið skilgreiningarnar, skaltu skrifa þær í glósubókina þína. Skilgreiningunum fylgja gjarnan samnefnarar þeirra orða sem þú ert að stúdera. Samnefnararnir eru fleiri orð sem þú getur flett upp í orðalyklinum þínum til að finna ritningarvers tengd því málefni sem þú ert að stúdera.Þegar þú lest í gegnum ritningarstaðina munu sumir þeirra eins og lifna við og "stökkva upp úr" blaðsíðunum. Þetta eru þeir staðir sem ég ráðlegg þér eindregið að skrifa niður í glósubókina þína þannig að þú getir hugleitt þá og lagt þá á minnið. Skiptir máli hversu mörg vers eða kafla ég stúdera á hverjum degi?Ekki endilega. Þú og ég getum tekið inn heilmikið af upplýsingum og samt sem áður ekki meðtekið þær. Að meðtaka þýðir að skilja eða geyma eða ná taki á merkingu orðsins í huganum. Við verðum að hægja á okkur og taka okkur tíma til að raunverulega skilja það sem við erum að lesa. Að öðrum kosti er erfiði okkar til lítils. Fyrir mörgum árum ætlaði ég að lesa Biblíuna á einu ári eftir ákveðnu kerfi. Ég þurfti að lesa um sex kafla á dag til að ná markmiði mínu. Ég var mjög spennt yfir þessu verkefni. Ég hafði Biblílestraráætlunina mína hangandi í eldhúsinu mínu þannig að allir vinir mínir gætu séð hana og í lok hvers dags merkti ég við það sem ég hafði lesið. Mér fannst ég svo andleg vegna þess að ég var að lesa Biblíuna á einu ári. Vandamálið var að ég skildi minnst af því sem ég var að lesa.Ég gleymi aldrei þegar ég hafði dregist aftur úr í áætluninni um þrjátíu og sex kafla. Dag einn einsetti ég mér að lesa allt það sem mig vantaði uppá til að ná inn í áætlunina aftur, ég las og las eins hratt og ég gat. Í lok dagsins var ég enn dálítið á eftir en ég hafði náð að lesa mjög mikið. Á þeim punkti heyrði ég heilagan anda spyrja mig, "Jæja, hvað lærðir þú svo í dag, Joyce?"Ég svaraði, "Jæja, ah, ég las þetta mikið í orðskviðunum, þetta mikið í sálmunum, þetta mikið í gamla testamentinu og þetta mikið í nýja testamentinu." Heilagur andi endurtók spurninguna "Nei, nei, nei. Hvað lærðir þú?"Það er sorglegt að segja frá því en ég hafði ekki lært neitt þennan dag. Það var þá sem ég heyrði Drottinn segja, "Joyce, ég myndi frekar vilja að þú hugleiddir eitt ritningarvers þangað til þú skilur það alveg en að þú lesir marga kafla bara til að þér líði vel með sjálfa þig." Guði er ekki eins umhugað um magnið sem við lesum eins og honum er um gæði þess sem við lesum og stúderum. Með þessu er ég ekki að segja að það að lesa Biblíuna á einu ári sé rangt. Ef þér finnst í hjarta þínu að Guð vilji að þú gerir það, gerðu það þá endilega. Hægðu á þér og reyndu ekki að fylla kvóta. Einbeittu þér að einu efni í einu. Þetta mun gefa huga þínum tækifæri til að meðtaka ríkidæmið í orði Guðs og leyfa Heilögum anda að tengja ritninguna við kringumstæður þínar og inn í líf þitt. Hvað er það að hugleiða Orðið og af hverju er það mikilvægt?Að hugleiða Orðið þýðir að dvelja með hugann við það, velta því fram og til baka í huga okkar, muldra það meðan við drögum andann. Það er eins og að "tyggja" kjötið í Ritningunni, andlega talað, til að nýta að fullu öll næringarefnin. Það að hugleiða Orðið er mikilvægt því það er lykillinn að árangri á öllum sviðum lífsins.Jósúa 1:8 staðfestir þetta: "Eigi skal lögmálsbók þessi víkja úr munni þínum, heldur skalt þú hugleiða hana um daga og nætur, til þess að þú gætir þess að gjöra allt það, sem í henni er skrifað, því að þá munt þú gæfu hljóta á vegum þínum og breyta viturlega."Sálmur 1:1-3 marg endurtekur kraft þess að hugleiða, og lýsir því yfir að líf okkar muni njóta blessunar, hamingju, framgangs, vera öfundsvert og ávaxtaríkt. Þegar við hugleiðum Ritninguna munu lygar óvinarins verða þurrkaðar út og skipt út með óbreytanlegum, lífgefadi sannleika Guðs Orðs!Hvað gerist þegar ég ver tíma reglulega í það að stúdera Orð Guðs?Þú breytist. Ég get ekki sagt með nógu sterkum orðum hversu mikið líf mitt hefur batnað síðan ég byrjaði að stúdera Orð Guðs reglulega. Það hefur umbreytt því hvernig ég hugsa á svo mörgum sviðum að ég er ekki sama manneskjan lengur. Orð Guðs mun gera það sama fyrir þig líka.Í Jóhannes 8:31-32 segir Jesús.... Ef þér eruð stöðugir í orði mínu, eruð þér sannir lærisveinar mínir og munuð þekkja sannleikann, og sannleikurinn mun gjöra yður frjálsa." Þegar þú og ég erum stöðug í Orðinu breytumst við og verðum frjáls frá öllu því sem vill binda okkur. Hugsanir okkar breytast. Orð okkar breytast. Viðhorf okkar breytist. Verk okkar breytast. Frá einni dýrð til annarar, þá höldum við áfram að breytast í Guðs mynd (2. kor. 3:18).Hversu langan tíma mun það taka að sjá einhverjar breytingar?Ég hef heyrt fólk segja að til að koma sér upp nýjum vana þurfi að gera sama hlutinn samfellt í að minnsta kosti tuttugu og einn dag. Þess vegna skora ég á þig að stúdera Orð Guðs staðfastlega í það minnsta þrjár vikur í röð. Ég trúi að þú munir verða undrandi á útkomunni. Mundu: "Gætið að, hvað þér heyrið. Með þeim mæli, sem þér mælið, mun yður mælt verða og við yður bætt." Mark 4:24Guð blessi þig þegar þú stúderar Orðið Hans! Tekið úr ENJOYING EVERYDAY LIFE, blaði Joyce Meyer, mars 2007. Þýðing Alís Inga Freygarðsdóttir. Sat, 31 May 2008 23:00:09 GMT http://www.123.is/jesukonur/blog/record/254389/ Grein eftir Joyce Meyer Ég trúi því að við þurfum reglulega að sjá hin ýmsu svæði í lífi okkar í nýju ljósi. Það eru svæði þar sem við þurfum á nýju upphafi að halda. Það er við þessi svæði sem við þurfum að draga línu sem aðskilur okkur frá því sem við höfum upplifað í fortíðinni og halda áfram með nýja sýn á framtíðina sem við byggjum á sannleikanum í orði Guðs.Nýtt upphaf krefst þess að við séum viljug að sleppa hendinni af því sem liðið er og ná taki á því sem framundan er. Ég trúi að þetta eigi einnig við um það að byrja upp á nýtt á því hvernig við sjáum okkur sjálf, það hvernig við höldum að Guð sjái okkur og það sem við sjáum fyrir okkur í framtíðinni. Þegar við förum að sjá okkur sjálf á þann hátt sem Guð sér okkur og fáum góða mynd af þeim hlutum sem hann þráir að nái framgangi í lífi okkar og í gegnum okkur, getur viðhorf okkar til lífsins tekið miklum stakkaskiptum.Hvernig sérðu sjálfa(n) þig?Sjálfsmynd okkar - það hvernig við sjáum okkur sjálf er mjög mikilvægt. Hún er í raun ljósmynd eða persónulýsing sem við ferðumst með í hjarta okkar og huga. Hún er alveg jafn raunveruleg og myndirnar af börnunum sem mörg okkar ganga með í veskjunum okkar, en hún hefur mun meiri áhrif á okkur. Fyrir mörgum árum hafði ég mjög slæma sjálfsmynd. Mér leið oft eins og ég væri misheppnuð, ómögulegt væri að elska mig og að ég væri ekki jafn góð og annað fólk. Oft leið mér þannig að Guð væri ekki ánægður með mig og að ég myndi aldrei komast yfir það sem gerst hafði í fortíðinni. Vegna þess að ég sá sjálfa mig á rangan hátt, þá bað ég aldrei um það sem var mitt með réttu vegna blóðs Jesú. Ég var ekki nógu djörf og mér fannst ég ekki eiga það skilið. Guð sýndi mér í 2 Samúelsbók versi 9, söguna um Davíð og fyrirætlun hans að blessa alla þá sem eftir urðu af húsi Sáls konungs. Jónatan, sonur Sáls elskaði Davíð og var líklegast einn af hans nánustu samverkamönnum. Eftir að Jónatan og Sál voru drepnir í bardaga, upphóf Guð Davíð til konungs. Af djúpri hryggð yfir dauða Sáls og Jónatans, spurði Davíð: "Er nú nokkur eftir orðinn af húsi Sáls? Honum vil ég miskunn auðsýna fyrir sakir Jónatans" (2. Sam 9:1). Davíð komst fljótt að því að að Jónatan átti son sem hét Mefíbóset, sem hafði verið fatlaður frá bernsku og var enn á lífi. Hann lét senda eftir Mefíbóset og færa hann fram fyrir sig. Davíð sagði við hann, .... ver þú óhræddur því að ég vil auðsýna þér miskunn fyrir sakir Jónatans, föður þíns og fá þér aftur allar jarðeignir Sáls forföður þíns og þú skalt jafnan eta við mitt borð. Þá laut hann og mælti "hvað er þjónn þinn þess að þú skiptir þér af dauðum hundi eins og mér?" (2. sam 9:7-8). Með öðrum orðum, Mefíbóset sagði, "Því viltu hjálpa mér? Allt sem ég verðskulda er að skríða um á gólfinu og sleikja upp molana sem falla á gólfið."Ég trúi að ein af ástæðum þess að Mefíbóset hafði slæma sjálfsmynd var vegna þess að hann var fatlaður. Vegna þess fannst honum hann ekki verðskulda góðmennsku Davíðs konungs. Þú og ég erum kannski ekki líkamlega fötluð en vegna mistaka okkar, vanhæfni og veikleika sjáum við okkur sem fötluð. Og þar sem við sjáum okkur sem eitthvað minna en fullkomin, er ekki auðvelt fyrir okkur að skilja hvernig eða hvers vegna Guð myndi vilja blessa okkur og láta sér annt um okkur eins og hann hefur blessað og látið sér annt um aðra. En eins og Davíð var góður við Mefíbóset vegna Jónatans, þannig er Guð góður við okkur vegna Jesú.Guð vill ekki að við séum að horfa á allt sem er rangt í fari okkar eða þær syndir sem við höfum drýgt í fortíðinni. Hann vill að við horfum á allt sem er rétt í hans fari. Hebreabréfið 12:2 segir: Beinum sjónum vorum til Jesú, höfundar og fullkomnara trúarinnar.Því meira sem við einbeitum okkur að göllunum okkar, því líklegri erum við til að endurtaka mistök okkar. Það sem við hugsum og tölum endurtekið um, magnast upp. Það er þess vegna sem við verðum að taka augu okkar af því sem er slæmt í fari okkar og einbeita okkur að því sem er gott í augum Guðs. Guð er að verki á hverjum degi, hann vill breyta okkur þannig að við líkjumst Jesú meir hvern dag. Þegar við getum farið að hámarka kraft Guðs og lágmarka vandamál okkar munum við uppgötva sigurinn í nýjum víddum og fá ferska sýn á það hvernig við sjáum okkur sjálf.Hvernig heldur þú að Guð sjái þig?Það hvernig Guð sér okkur og það hvernig við höldum að Guð sjái okkur getur oft verið tvennt ólíkt. En við getum verið þakklát fyrir að Guð heldur ekki aftur af kærleika sínum, viðurkenningu og aðstoð vegna þess að okkur verði á. Hann er ekki að leita að fullkominni frammistöðu - bara að viljugu hjarta sem er undirgefið honum. Fyrir mörgum árum gaf Guð mér gott dæmi um þetta. Þegar Danny sonur okkar var lítill drengur, var hann ekki mjög snyrtilegur. Þannig að til að hvetja hann til að halda herberginu sínu hreinu og gera skyldur sínar þá útbjuggum við töflu með kerfi sem innihélt krossa og stjörnur. Í hvert skipti sem hann gerði það sem til var ætlast af honum fékk hann kross. Þegar hann var búin að ná ákveðnum fjölda krossa, gáfum við honum stjörnu og þegar hann var búinn að fá ákveðinn fjölda stjarna keyptum við handa honum gjöf. Stundum var hann með mikið af krossum og stjörnum en í annan tíma voru þau mjög fá.Í nágrenninu var hrekkjusvín sem var alltaf að taka boltann hans Dannys og kasta honum í niðurfallið. Í hvert skipti sem hrekkjusvínið ögraði Danny, kom hann hlaupandi inn í bílskúr hrópandi á pabba sinn. Dave maðurinn minn reif næstum hurðina af hjörunum á leiðinni út til að verja hann. Dag einn sagði Guð við mig, "hvers konar foreldrar væruð þið ef í hvert skipti sem Danny kæmi hrópandi vegna þess að hrekkusvínið væri á eftir honum mynduð þið fara í herbergið hans til að athuga hversu marga krossa og stjörnur hann væri búinn að vinna sér inn? Þið væruð aumkunarverðir foreldrar ef þið mynduð aðeins vernda hann þegar hann gerði allt rétt. Joyce, en þið Dave gerið það ekki, því heldur þú þá að ég myndi gera það?"Þetta opnaði augu mín - þetta gaf mér alveg nýja sýn á það hvernig Guð sér okkur. Þegar hrekkjusvín sálna okkar ögrar okkur, lítur Guð ekki fyrst til að sjá hvort við höfum verið að gera allt rétt áður en hann svarar grátbeiðni okkar eftir hjálp. Hann grípur inn í kringumstæður okkar og hjálpar okkur eingöngu vegna þess að við erum börnin hans. Þetta þýðir ekki að hann loki augunum fyrir synd, þegar við gerum eitthvað rangt þá leiðréttir hann okkur. Því að Drottinn agar þann sem hann elskar ..... (Hebr 12:6). Samt sem áður mun hann ekki neita okkur um hjálp þegar við erum í neyð. Þú og ég þurfum ferska opinberum á frelsi Guðs. Þegar við erum frelsuð, þá sér Guð okkur sem splunku nýja sköpun. Í 2 Korintubréfi 5:17 segir: Ef einhver er í Kristi, er hann skapaður á ný, hið gamla varð að engu, sjá nýtt er orðið til.Sama tilfinning ferskleika og hreinleika og við upplifum þegar við frelsumst stendur okkur til boða á hverjum degi. Í Harmljóðunum.3:22-23 segir: náð Drottins er ekki þrotin, miskunn hans er ekki á enda, hún er ný á hverjum morgni.........Í langann tíma hataði ég sjálfa mig vegna þess að ég gat ekki verið það sem ég hélt að Guð vildi að ég væri. En dag einn þá áttaði ég mig á því að ?ég er ekki óþekkt stærð í augum Guðs?. Hann vissi hvað hann var að fá þegar hann kallaði mig. Allt sem ég get gert er að vera samvinnuþýð við Guð þegar hann sýnir mér hvað ég á að gera. Það er enginn möguleiki á því að ég geti breytt mér sjálf. Það er allt sem Guð ætlast til af okkur - samvinna. Með því að beygja okkur undir hans Heilaga anda innra með okkur, getum við dáið þessum ranga hugsunarhætti og því hvernig við tölum og hegðum okkur og lifað þess í stað á réttan hátt. Guð mun sýna okkur hvernig við eigum að forðast synd, en þegar við syndgum þurfum við aðeins að iðrast, meðtaka fyrirgefningu Guðs og halda áfram.Hvað er það sem þú sérð framundan?Guð hefur góð áform fyrir líf okkar allra. Jer. 29:11 segir: "Því að ég þekki þær fyrirætlanir sem ég hef í hyggju með yður - segir Drottinn - fyrirætlarnir til heilla en ekki óhamingju, að veita yður vonarríka framtíð." Til þess að við sjáum þetta loforð verða raunverulegt, verðum við að velja að líta frá fortíðinni og líta fram á veginn til þess sem Guð hefur framundan handa okkur.Þetta minnir mig á það þegar Abram og fjölskylda hans kom til Egyptalands. Bæði hann og Lot frændi hans áttu mikinn bústofn og landið sem þeir bjuggu á var ekki nógu stórt fyrir þá báða. Í viðleitni til að eyða spennunni á milli þeirra, fór Abram til Lots og bauð honum fyrsta val um landið sem var framundan. Lot leit yfir það og valdi vel vökvaða landið í Jórdan dalum.Guð sagði við Abram þegar Lot hafði yfirgefið hann, ...hef þú upp augu þín og litast um frá þeim stað sem þú ert á til norðurs, suðurs, austurs og vesturs. Því að allt landið sem þú sér mun ég gefa þér og niðjum þínum ævinlega (Fyrsta mósebók 13:14-15,17). Takið eftir að Guð sagði Abram ekki að líta á staðinn þar sem hann var eða staðinn sem Lot hafði tekið. Hann sagði Abram að líta frá þeim stað sem hann var og landið sem hann sæi yrði gefið honum og niðjum hans eftir hans dag. Síðan sagði Guð: "Tak þig nú upp" með öðrum orðum, þá sagði hann við Abram, "það er tími fyrir nýtt upphaf - farðu af stað, haltu áfram skref fyrir skref."Ég trúi því að Guð sé að segja það sama við þig og mig. Hann vill að við hættum að hugsa hvar við erum í dag og hvar við höfum verið og fara að einbeita okkur að því sem framundan er. Okkar Guð er framsækinn Guð - hann er alltaf á ferðinni. Hann segir okkur í Jesaja 43:18-19, Rennið eigi auga til hins umliðna og gefið eigi gætur að því er áður var. Sjá nú hef ég nýtt fyrir stafni!... Guð vill gera eitthvað nýtt núna strax! Möguleikarnir eru ótæmandi. Það skiptir ekki máli hversu ung, gömul, rík, fátæk, menntuð eða ómenntuð við erum, ekki einu sinni hversu marga veikleika við höfum. Guð getur gert kraftaverk úr klúðri okkar!Það veltur allt á vali okkarÞað að byrja upp á nýtt hefst og viðhelst þegar við tökum stöðuglega réttar ákvarðanir - það getur enginn gert það fyrir okkur. Í 5. mósebók 30:19 stendur, ...... ég hefi lagt fyrir þig lífið og dauðann, blessunina og bölvunina. Veldu þá lífið til þess að þú og niðjar þínir megi lifa. Í hvert sinn sem þú og ég veljum að treysta orði Guðs og framkvæma í samræmi við það, hljótum við blessun. Það skiptir ekki máli hversu djúpur pitturinn er sem við erum í. Hönd Guðs er ekki of stutt til að teygja sig til þín og draga þig upp. Ef þú hefur gert mistök skaltu iðrast þeirra, sættast við Guð og halda áfram. Á hverjum degi gefur Guð þér tækifæri til að byrja upp á nýtt með hreint borð. Það eina sem stendur í veginum milli þín og sigursins, ert ÞÚ. Ég hvet þig til að sjá sjálfa(n) þig á þann hátt sem Guð sér þig - sem réttlætta(n) fyrir Jesú krist. Hættu að hugsa um fortíðina og opnaðu augu þín fyrir því sem Guð vill gera í dag. Í honum eru engar blindgötur ? aðeins tími fyrir nýtt upphaf. Tekið úr Enjoying everyday life, blaði Joyce Meyer, janúar 2007. Þýðing Alís Inga Freygarðsdóttir. Sat, 31 May 2008 00:00:00 GMT